Outra exitosa actuación

A tarde do pasado 16 de xaneiro os compoñentes do coro Adayeus dirixímonos cara ao moderno barrio coruñés de Matogrande para actuar na Residencia da 3ª idade DomusVi Matogrande.
Ao chegar fomos recibidos pola dirección do Centro e dirixidos ao Salón de actos onde actuamos.
A Residencia ofrece máis de cen prazas para residentes e tamén ofrece prazas como Centro de día.
A nosa actuación formou parte das actividades programadas pola dirección, e para nós, significou un acto solidario na que os residentes participaron entonando algunhas cancións e acompañando con palmas.
As cancións Piel canela, Foliada da Cruña, Muradana, Os cregos e taberneiros, Gobbo se pare, O rodaballo, foron incluidas no programa.
Toda unha actuación moi emotiva e na que, ao rematar, saímos coa sensación de alcanzar un obxectivo: arrincar un sorriso aos nosos maiores e que pasaran un rato agradable.
Voltaremos pronto, amigos!!!

Actuacións de Nadal do Coro Adayeus

Como adoita ser habitual nas datas do Nadal o Coro Adayeus visitou as residencias de maiores, que figuran a continuación, co fin de desexar felices festas aos residentes e interpretar para eles cancións populares, así como, algunhas panxoliñas.

O calendario foi o seguinte:

10 de decembro en Sanitas  (Monte Alto)

12 de decembro na Obra da Señora  (Os Rosales)

13 de decembro na Milagrosa 

17 de decembro en Grupo Ballesol (Oleiros)

Todas as actuacións foron moi aplaudidas por un público tan entrañable e especial. Lograron sacarlles a mellor dos sorrisos e, ata en algunha ocasión, animáronse a bailar e acompañar con palmas.

As Direccións dos Centros felicitaron e agradeceron a visita. 

Para cada un dos integrantes do Coro estas actuacións supoñen unha satisfación persoal polas características do público a quen vai dirixido.

Aquí tedes unha mostra fotográfica: 

MESIAS PARTICIPATIVO

Crónica de Eloisa Cubeiro

E xa estamos a asistir á cuarta interpretación da obra O Mesías de G. F. Händel por parte do coro de ADAYEUS. E mañá será a quinta actuación, aquí mesmo no Palacio da Ópera da Coruña. Pero para chegar aquí, houbo unha andaina de esforzo, traballo e ilusión. Cando se estrearon con esta obra alá en decembro 2016 neste mesmo lugar, convidados por primeira vez pola Obra Social “A Caixa”, parecía unha fronte difícil de superar. Non foi así, houbo unha segunda actuación ao día seguinte no Auditorio e Palacio de Congresos Mar de Vigo, e a terceira en decembro 2017 no Auditorio de Galicia en Santiago de Compostela. 

Á marxe destas impecables actuacións, a constancia e moitas horas adicadas aos ensaios, así como múltiples concertos dirixidos pola directora do coro Luisa Armesto, permítelles recoller o froito de compartir escenario con outros coros non profesionais, co coro da Orquestra Sinfónica de Galicia e coa propia Orquestra Sinfónica de Galicia. No día de hoxe, o coro de ADAYEUS formado por 15 sopranos, 8 contraltos, 8 tenores, 5 baixos (total 36 voces), defendeu O Mesías, despois de pasar un exhaustivo calendario de ensaios dirixidos polo preparador Pere Lluís Biosca. Nesta ocasión todos os coros participantes, un total de dez, formaron un abanico de: 90 sopranos, 72 contraltos, 51 tenores, 49 baixos, un total de 262 voces, que estratexicamente situadas entre as bancadas e o escenario, envolveron coa súa música todo o recinto que compartiron coas actuacións puntuais da soprano Jone Martínez a contralto Francesca Asciot o tenor Richard Resch e o baixo Víctor Cruz cos músicos da Orquestra Sinfónica de Galicia, dirixidos polo mestre Carlos Mena totalmente entregado á obra e á dirección; e todos eles arroupados por un público fiel que vibrou e emocionouse ao escoitar unha vez máis este concerto extraordinario do Mesías participativo. Esperamos que haxa un sexto, sétimo e máis interpretacións desta magnífica obra, para seguir vivindo esta experiencia única e impactante e chea de sensacións.

A Coruña, 5 de decembro de 2018

                               

Actuacións de Fin de Curso

Na comida de confraternidade de Adayeus  o día 23 de maio, realizada no Hotel Fisterre, o noso coro tivo unha brillante actuación, interpretando catro temas moi aplaudidos polos asistentes.


É de resaltar as actuacións nas Residencias de Maiores polo alto sentido social e a excelente participación dos residentes, realizadas o 3 de maio en DOMUS VI Matogrande, o 31 de maio en ADCOR nos Rosales, e o 7 de xuño na DOMUS VI en Oleiros.

Nestas fotos están reflectidas algúns momentos das actuacións: 

Actuacións coro

Graduación dos alumnos de 4º

Na ceremonia de Graduación do alumnado de 4º da Universidade Senior, no Paraninfo da Maestranza, o coro tivo dúas actuacións. A primeira para inaugurar o acto co Gaudeamus Igitur e a segunda para pechalo coa interpretación do Alalá de Noia e do Himno Galego

Actuación xunto á Coral de Veigue

A piques de rematar o curso académico 2017/18, e como ven sendo habitual, o Coro ADAYEUS participou en diferentes actos dirixidos a distintos colectivos.

O primeiro deles foi nun concerto celebrado o 10 de maio na E.T. S. Naútica, xunto coa Coral Santa Comba de Veigue

Calendario de actuacións