Hoxe celebramos a última actuación do ciclo de Residencias de Maiores deste curso 2022/2023. Foi na Residencia Domus Vi da Cidade Vella da Coruña, onde nos recibiron como en todas, con moito cariño, e que tentamos corresponder do mesmo xeito, cantando o mellor que sabemos. Ao remate do concerto, unha usuaria da residencia agasallounos cun pequeno cadro feito por ela mesma, que nos entregou con moita emoción, e que estes días colgaremos no local da nosa Asociación.
Algunhas tamén tivemos a sorte de saudar á que foi primeira alcaldesa da Coruña, Berta Tapia, que estivo alí.
O repertorio foi o seguinte:
Pandeirada de Vilariño,
Canto de Berce,
Os Cregos e os Taberneiros,
Alala de Noia,
O Voso Galo Comadre,
Xa non sei cantar,
Cantando O Xote,
Siyahamba,
e finalmente A RIANXEIRA.
Agardamos que o desfrutaran, igual que nós.
Marisa Mauriz
