Na Residencia A Obra da Señora

Esta foi a nosa última actuación no ano 2019. No mes de xaneiro retomaremos os ensaios. 
Bo Nadal!!!     

                                                                                                                           

Na Residencia Sanitas

No barrio coruñés de Monte Alto actuamos o pasado 16 de decembro. Para nós, é unha satisfacción o compartir tempo cos Residentes e agasallarlles con algunhas das nosas cancións.

               

Na Residencia A Milagrosa

                 

O día 12 de decembro actuamos no Centro de Maiores A Milagrosa. Unha actuación solidaria que a todos nos conmove. O repertorio foi o seguinte: Os cregos e os Taberneiros; Cantando o xote; Foliada do Salnés, Pandeirada de Vilariño, O voso galo comadre, Foliada da Cruña, Catro vellos mariñeiros A virxe de Guadalupe, A saia da Carolina e mesmo algunha panxoliña.
Fixemos participar aos asistentes e ao final agasalláronnos cuns pinchos.

VIDEO Na Residencia de Oleiros

Especialmente emotiva foi a actuación na Residencia de Oleiros Domus-Vi. Esta foi a nosa primeira actuación de Nadal.
Para nós é unha ledicia arrincarlles un sorriso aos residentes ao tempo que participan cantando ou acompañando coas palmas. No repertorio incluíronse cancións do folclore galego e panxoliñas.
No video anterior interpretamos Os cregos e os taberneiros.